Beli Minyak Tanah

Obed ni de ada main kelereng deng de pu teman-teman di halaman samping rumah. Karena masih kecil dan pas saat itu musim permainan kelereng.

Sewaktu sedang rame-ramenya, tiba-tiba Obed de pu Mama panggil dia :

Mama : "Obed....Obed...Obed....!!!"

Obed : "Ya...Mama"

Mama : "Obed...tolong beli Mama minyak tanah kha, untuk mama masak."

Obed : "Adoh.....Mama ni...sa ada main baru...suru yang lain sudah....."

Mama : "Obed...ko tolong mama dulu, nanti mama kase ko seribu...."

Obed : "Mama, bagemana kalo sa kase Mama 2000 sudah baru Mama ko yang beli e......"