Ada pace polisi satu datang ke dokter polisi, baru dia minta tolong ke dokter itu karna dia ada masalah kesehatan.
Apa yang bisa saya bantu? pace dokter tanya.
Pace polisi bilang : Pa dokter, berapa hari kemarin pas sa ada pulang dinas sa dapat tangkap basah sa pu istri ada baku naik dengan laki-laki lain. Jadi sa kasi keluar pistol baru ancam tembak laki-laki itu"
pace dokter bilang : "Terus..."
Pace lanjut : "Dia pu laki-laki selingkuh itu bilang kalo saya bunuh laki-laki itu, sa dapa penjara, baru sa pu istri bisa baku naik dengan orang lain lagi,, jadi dia bilang percuma saja pake cara kekerasan, pake cara damai saja. jadi sa istri buatkan kopi satu teko baru sa minum..."
Pace dokter babingung baru bilang : Trus dia pu masalah apa?
Pace polisi tra jawab, dia lanjut lagi : Terus kemarin ini, dong dua ada sa tangkap basah lagi baku naik. Jadi sa ancam untuk bunuh sa pu maitua. Tapi dia pu selingkuh itu bilang kalo sa bunuh sa pu istri. Sa tra bisa lagi naik dia, trus sa dapa penjara seumur hidup. Dong dua bujuk saya baru ajak saya minum kopi satu teko lagi.
Pace dokter ambil nafas dalam baru bialng : iya pak.. trus hubungannya apa?.
Pace polisi balas : "bah, belum selesai... dari tadi ni sa liat dong dua baku naik lagi... jadi depan dorang dua sa angkat pistol baru kasi todong ke sa pu mulut... Jadi laki-laki itu bilang kalo sa nanti rugi, karna kalo sa mati, dong dua bebas baku naik. Jadi dong dua ajak sa tenang baru minum kopi lagi.
Pace dokter su emosi bokar baru batariak : Terus ... ko pu tujuan datang ke sini tuh APAAA???."
pace polisi dia tenang baru dia bilang : Behhh.. tenang to pa dokter, sa cuma mo tanya, KOPI itu sebenarnya bisa merusak sa punya kesehatan ka tidak????
